عايدة رياض تعلق على انتقادات احتفالها بعيد الأضحى لأنها مسيحية

تعرّضت الفنانة عايدة رياض لانتقادات شديدة من عدد من جمهورها بسبب تصريحها بأنها تحتفل بعيد الأضحى المبارك على الرغم من أنها مسيحية الديانة.

عايدة رياض علقت قائلة: “مسيحية وبحتفل بعيد الأضحى، أنا مش شايفة إن الموضوع كان مستاهل كل الضجة دي إطلاقاً… كوني مسيحية وبشارك في الأضاحي وبأكل فتة ونعيش أجواء العيد مع بعض ودي حاجة مش بتقلل مني أو حتى تثير الجدل، بالعكس ده شيء محمود جداً”.

وأضافت: “الذبح عموماً موجود في كل الأديان السماوية وموجود في ديانتنا وبنشترك كلنا وبنضحي وبنتجمع كالعادة وخلي اللي يتكلم يتكلم وأنا متعودة على كدا من زمان، وعمر ما حد كان بيسأل على ديانة حد… الدين لله والوطن للجميع وكلنا في الآخر مصريين إخوات وأهل وصحاب وأحبّة ومفيش فرق بينا إطلاقاً

واختتمت كلامها، بقولها: “نتشارك والوطن اللي بيجمعنا على المحبة والود وطول عمرنا إيد واحدة وهنفضل إيد واحدة.

.